Monday, July 17, 2006

MiTaaye jaa mere nishaan

miTaaye jaa mere nishaan
dikhaa tu raastaa nayaa
ik nayi lehar de, zindagii
be-daag kar meraa jahaan

Wednesday, July 05, 2006

Raazdaar

Raazdaar meraa hai woh
hai meraa naqaab woh
Aainon se dekhtaa hai mujhe
Ajnabi, mujh se juDaa hai woh

Soch ke veeraanon mein

soch ke veeraanon mein, tum nazar aaye chalaave ki tarah
yakeen sa thaa, ke chuaa tha tumhe kisi khayaal ke haathon se
bekhudii tum se milii ya aarzuuon ki pyaas se
reh gaye vahii, na chal sake kwaabon ke gulistaan tak..

Tuesday, July 04, 2006

Hazaar lakeeron mein

hazaar lakeeron mein wajood-o-hasti hai
aawaara khayaalon se jung ik jaari hai
mashaal-e-wafaa se ye raah to raushan hai
har mod pe but koii is aag se jaltha hai

Fakeeron si fitrat hai, ibaadat to aadat hai
ishk ki waadi mein der-o-haram apni

Har jaam ki baat alag, nashe ki har raat alag
peene se jo baD jaaye kuch aisi pyaas apni