Sunday, April 12, 2015

Monsoon Ki Yaadein (Music Video)



Written By: Ajay Chandran (kaunquest)
Composed, and sung by: Rajesh Raman
Piano: Kaykay Chauhan

Lyrics:

Halkii baarish mein..is tanhaai mein..
bulaaye bin aayi.. us pyaar kii yaaden
monsoon ki yaaden, us june ki yaaden
monsoon ki yaaden, us june ki yaaden

giile giile paoon pe..mitti kii cheeten..
mehendi rachaatii thiii..
bheege bheege baalon mein..
paanii kii boonden..motii ban jaatii thiii..

jab paas guzartii thii.. muskaake ke wo jaati thi…
us manzar mein, chand lamhon mein..
kai umr mai jeetaa thaa..
khushboo vo saundhii sii, khushiyaan jawaan yaaden…

monsoon ki yaaden, us june ki yaaden
monsoon ki yaaden, us june ki yaaden

neeli neeli aankhon mein, satrangii sapne
lekar aati thi..
rim jhim baaton mein, armaan vo dil ke..
kehkar jaati thi..

kwaabon ki malikaa thii.. yaadon mein kho gayii..
mehfooz use, is seene mein
mai aaj bhi rakhtaa hoon..
dil kashtii kaagaz kii.. dilkash hawaa yaadein…

monsoon ki yaaden, us june ki yaaden
monsoon ki yaaden, us june ki yaaden