Wednesday, December 21, 2005

Mai alwidaa kehkar chalaa

Mai alwidaa kehkar chalaa.. - just another song with simple thoughts & simple words :-)

Shikwe, giley saare gaye
mai alwidaa kehkar chalaa
aur kahin... Duur kahin...
shaayad ye thaa mulaaqaat aakhri
shaayad mile hum phir se kabhi
aur kahin... Duur kahin...

vo baahen agar roke mujhe
unki nazar Toke mujhe
soz-e-jigar baD jaayegaa
jaane ye dil kya kar jaayegaa
sun-na nahin koi bhi sadaa
unke shehar se mai to chalaa
aur kahin... Duur kahin...

mujhko na ho Dil ki fikar
aisa samaa DoonDe nazar
din naye naye, naya aasmaan
naya naam ho aur naya ho jahaan
shaayad wohi ruk jaauungaa
phir ajnabi mai banjaauungaa
aur kahin... Duur kahin
Post a Comment